jueves, 1 de febrero de 2018

VIAXE AO REINO DAS EMOCIÓNS | AUTOESTIMA

A segunda parada no reino das emocións invitounos a traballar co noso alumnado a autoestima. Un dos obxectivos da Educación Infantil é fomentar nos nenos e nenas a adquisición dunha imaxe positiva e axustada de eles mesmos. Debemos axudar aos nenos e nenas a coñecer as súas fortalezas e debilidades, así como a valorar positivamente as súas capacidades.
Grazas ás amigas do dragón Draco, as toupiñas cantareiras, aprendemos unha canción moi divertida ao ritmo de “Eu teño un tallarín”:

Eu teño unha habilidade,
que se me dá moi ben,
que é...
E móvome por aquí,
e móvome por alá,
todo/a orgulloso/a
cun pouco de azucre,
e un pouco de sal.
E invítote a ti,
e saes a bailar.

Coma as celebridades de Hollywood creamos o noso propio paseo da fama coas nosas habilidades especiais e as actividades que facemos ben.


Para que os nenos e nenas tomasen conciencia de que cada persoa é única, e de que estas diferenzas son positivas e enriquecedoras fixémoslles unha serie de cuestións persoais para que eles expresasen libremente os seus gustos e opinións, fomentando o respecto e a escoita activa por parte de toda a clase. Despois fixemos a representación gráfica das nosas respostas cun átomo no que amosamos o noso xoguete favorito, a nosa comida favorita e a nosa cor.


Nas asembleas o encargado do día tiña que pasar polo túnel dos piropos no que cada compañeiro ou compañeira lle dicía algo bonito que lle gustara dese neno ou nena. Como adoita suceder nos nenos destas idades o coñecemento dos demais basease nas características externas e aparentes. 


Traballamos o conto do elefante Elmer, xa que coma el cada un de nós é único e especial.



Outros contos para traballar a autoestima son:


lunes, 29 de enero de 2018

DÍA DA PAZ



O 30 de xaneiro, celébrase o Día Escolar da non Violencia e a Paz. 
Aquí estamos facendo unhas pombas da paz.























E así foi como quedaron:










Imaxinade por un intre, que temos unhas gafas para ver A PAZ... e poder ve-lo mundo de moitas cores.







viernes, 15 de diciembre de 2017

TRABALLAMOS POR PROXECTOS: O CAN

Xa case rematou o 1º trimestre, polo que aproveitamos para amosarvos o proxecto sobre os cans que realizamos na aula mixta de 4-5 anos nestes meses. Os nenos e nenas estiveron moi motivados e aprenderon moitas cousas acerca do mellor amigo do home. A continuación podedes ver parte do traballado realizado na aula. Grazas ás familias pola vosa colaboración!