sábado, 30 de septiembre de 2017

PRIMEIROS DÍAS

Ola familias!
Aquí vos deixamos algunhas imaxes dos primeiros días de clase na aula mixta de 4-5 anos, cambiamos de aula así que aproveitamos para explorar os novos materiais e poñernos ao día despois das vacacións.

martes, 9 de mayo de 2017

VISITAMOS A EXPOSICIÓN IMAXINAR A EDUCACIÓN: 50 ANOS CON FRATO


O pasado mércores 3 de maio visitamos en Pontevedra a exposición "Imaxinar a Educación: 50 anos con Frato", que a Deputación de Pontevedra realiza no Pazo da cultura. Nela puidemos ver algunhas das súas viñetas máis representativas pero tamén nos atopamos cun grande espazo de xogos no que desenvolver a nosa autonomía, intelixencia e creatividade.


A través de máis dun cento de debuxos, obxectos, instrumentos de traballo, vídeos, fotos e libros, percorremos a traxectoria vital, artística e pedagóxica de Francesco Tonucci.

Partindo dos xogos tradicionais, indagamos en novas formas de comunicar a través do xogo, explorando o espazo e materiais dispoñibles.


Mediante pequenas pezas de costrución podemos realizar grandes creacións, dando renda solta á nosa curiosidade e creatividade.


Natureza: auga, area e barro para aprender. Neste espazo os nenos xogaron nas caixas de area, observaron as plantas no herbario e experimentaron na piscina como os distintos elementos flotan ou se afunden.


Despois de escoitar o conto "¿Qué es? ¿Qué son?", inventamos novas creacións a partir das letras e das formas.


Coñecemos os múltiples beneficios que a bici ten para a saúde e o medio así como o valor de liberdade e autonomía que leva implícito o uso da bicicleta dende a infancia.


Para rematar, expresamos as nosas opinións sobre a exposición.

Se vos animades podedes visitala cos vosos fillos/as ata o vindeiro 11 de xuño!

jueves, 30 de marzo de 2017

VISITAMOS O MUSEO DO MAR


O venres 17 de marzo visitamos o museo do mar. Aproveitamos o bo tempo e merendamos ó aire libre, que ben nos sentou!


Antes da visita guiada xogamos na praia, escribimos na area e ata fixemos carreiras!


No acuario identificamos distintos peixes como o ollomol, a sardiña ou a quenlla.


Convertémonos en pescadores e mariñeiros.



Foi unha mañá xenial!

lunes, 20 de marzo de 2017

A CONTAMINACIÓN DOS PLÁSTICOS NO MAR

O pasado 10 de marzo tivemos no cole un espectáculo de monicreques que nos ensinou o impacto que teñen os plásticos nos océanos. 
A doutora María e o doutor Guy son científicos do mar que a través do seu microscopio descubriron a dous organismos do plancto, Planki e Tonki, os cales nos amosaron como o malvado Plastikeitor facía dano os animais que vivían no mar pero que grazas á reciclaxe podemos salvalos.
Despois nós mesmo creamos o noso organismo de plancto cunha botella de plástico que trouxemos da casa.
Pasámolo moi ben!